ಬಂಟರ ಸಂಘ ಬೆಂಗಳೂರು ವತಿಯಿಂದ ಐತಿಹಾಸಿಕ ವಿವಾಹ ವೇದಿಕೆ ಕಂಕಣ ಭಾಗ್ಯ ಯೋಜನೆ-ಅಧ್ಯಕ್ಷರು ಎಂ. ಮುರಳಿಧರ್ ಹೆಗ್ಡೆ…

ಬಂಟರ ನ್ಯೂಸ್…

ಬಂಟರ ಸಂಘ ಬೆಂಗಳೂರು ವತಿಯಿಂದ ಐತಿಹಾಸಿಕ ವಿವಾಹ ವೇದಿಕೆ ಕಂಕಣ ಭಾಗ್ಯ ಯೋಜನೆ ಜಾರಿಗೆ ತಂದಿದ್ದೇವೆ ಎಂದು ಅಧ್ಯಕ್ಷರಾದ ಎಂ ಮುರುಳಿಧರ್ ಹೆಗಡೆ ತಿಳಿಸಿದ್ದಾರೆ.

ನಮ್ಮ ಬಂಟ ಸಮಾಜದ ಬಂಟರ ಸಂಘಗಳಿಗೆ ಬೆಂಗಳೂರು ಬಂಟರ ಸಂಘ ಈ ಮೂಲಕ ತಿಳಿಯಪಡಿಸುವುದೇನೆಂದರೆ, ನಮ್ಮ ಸಮಾಜದ ಬಡಕುಟುಂಬಗಳ ವಧು-ವರರಿಗೆ ಉಚಿತ ಕಂಕಣ ಭಾಗ್ಯ (ಸಾಮೂಹಿಕ ವಿವಾಹ) ಯೋಜನೆಯನ್ನು ಬೆಂಗಳೂರು ಬಂಟರ ಸಂಘದಲ್ಲಿ ಹಮ್ಮಿಕೊಳ್ಳಲಾಗಿದೆ. ಈ ಸೌಕರ್ಯದ ಸದುಪಯೋಗ ಪಡೆಯಲು ಇಚ್ಚಿಸುವವರು ತಮ್ಮ ಹೆಸರುಗಳನ್ನು ಕೂಡಲೇ ಬೆಂಗಳೂರು ಬಂಟರ ಸಂಘದಲ್ಲಿ ನೋಂದಾಯಿಸಬೇಕಾಗಿ ವಿನಂತಿಸಿಕೊಂಡಿದ್ದಾರೆ.

ವಧು ವರರಿಗೆ ಮಾಹಿತಿ…

ಈ ಮದುವೆಗೆ ನಮ್ಮ ಸಂಘದ ಕಡೆಯಿಂದ ಒಂದು ವಧು-ವರರ ಜೋಡಿಗೆ 8+8 (16) ಜನರಿಗೆ ಬೆಂಗಳೂರಿಗೆ ಬಂದು ಹೋಗಲು ಉಚಿತ ಸಾರಿಗೆ ವ್ಯವಸ್ಥೆಯನ್ನು ಒದಗಿಸಲಾಗುವುದು. ವಧುವಿಗೆ ಕರಿಮಣಿ, ಸೀರೆ, ವಧುವಿನ ಅಲಂಕಾರ ಮತ್ತು ವರನಿಗೆ ಮದುವೆಯ ಉಡುಗೆ ಕೊಡಲಾಗುವುದು. ವಧು-ವರರಿಗೆ ಮತ್ತು ಅವರ ಸಂಬಂಧಿಕರಿಗೆ ಊಟ, ಉಳಿದುಕೊಳ್ಳಲು ವ್ಯವಸ್ಥೆಯನ್ನು ಮಾಡಲಾಗುವುದು. ಪೂಜೆ, ಮಂಟಪ, ಛತ್ರ , ಹೂವಿನ ಅಲಂಕಾರ, ವಾದ್ಯ ಮತ್ತು ಮದುವೆಗೆ ಬೇಕಾಗುವ ಎಲ್ಲಾ ಸಾಮಗ್ರಿಗಳನ್ನು ಉಚಿತವಾಗಿ ಒದಗಿಸಲಾಗುವುದು. ಬಂಟರ ಪದ್ಧತಿಯಂತೆ ಅದ್ದೂರಿಯಾಗಿ ಬೆಂಗಳೂರು ಬಂಟರ ಸಂಘದಲ್ಲಿ ವಿವಾಹ ವೇದಿಕೆಯ ವತಿಯಿಂದ ಮದುವೆ ಮಾಡಿಕೊಡಲಾಗುವುದು.

ನೋಂದಣಿಗಾಗಿ ಈ ನಂಬರ್ ಗಳನ್ನು ಸಂಪರ್ಕಿಸಿ. (9901885998/9741910925) ಆನಂದರಾಮ ಶೆಟ್ಟಿ ಬಿ ಗೌರವ ಕಾರ್ಯದರ್ಶಿ. ಎಂ ಮುರಲೀಧರ ಹೆಗ್ಡೆ ಅಧ್ಯಕ್ಷರು. ಸುರೇಂದ್ರ ಶೆಟ್ಟಿ ಎ ಸಂಚಾಲಕರು, ವಿವಾಹ ವೇದಿಕೆ. 9741910925 ಶೋಭ ಶೇಕ ಚೇರ್ ಪರ್ಸನ್, ವಿವಾಹ ವೇದಿಕೆ. 9901885998. ಪದಾಧಿಕಾರಿಗಳು, ಕಾರ್ಯಕಾರಿ ಸಮಿತಿ ಸದಸ್ಯರು ಹಾಗೂ ವಿವಾಹ ವೇದಿಕೆ ಸಮಿತಿ ಸದಸ್ಯರು.

ವರದಿ ಮಂಜುನಾಥ್ ಶೆಟ್ಟಿ…