ಮದುಕೇಶವ್ ಎಂಬ ವ್ಯಕ್ತಿಯೊಬ್ಬರು ಆನವಟ್ಟಿಯಿಂದ ಶಿವಮೊಗ್ಗಕ್ಕೆ ಬಂದಿದ್ದು, ನಂತರ ಆಲ್ಕೊಳ ಸರ್ಕಲ್ ಹತ್ತಿರ ಇಡ್ಲಿಗಾಡಿಯಲ್ಲಿ ಇಡ್ಲಿ ತಿನ್ನಲು ಹೋಗಿ ವಾಪಾಸ್ ಬರುವಾಗ ತಾವು ತಂದಿದ್ದ, ಪ್ಲಾಸ್ಟಿಕ್ ಕವರ್ ಅನ್ನು ಅಲ್ಲಿಯೇ ಬಿಟ್ಟು ಹೋಗಿರುತ್ತಾರೆ.

ನಂತರ ಇಡ್ಲಿ ಗಾಡಿಯ ಮಾಲಿಕರಾದ ಶ್ರೀ ತಿರುಮೂರ್ತಿ ರವರು ಮದುಕೇಶವ್ ರವರು ಬಿಟ್ಟು ಹೋದ ಕವರ್ ಅನ್ನು ನೋಡಿದ್ದು ಅದರಲ್ಲಿ ಒಂದು ಲಕ್ಷ ರೂ ಹಣವಿದ್ದು ಸದರಿ ಹಣವಿದ್ದ ಕವರ್ ಅನ್ನು ಪ್ರಾಮಾಣಿಕತೆಯಿಂದ ತುಂಗಾನಗರ ಪೋಲಿಸ್ ಠಾಣೆಗೆ ತಂದು ಪೊಲೀಸ್ ನಿರೀಕ್ಷಕರಾದ ಕೆ. ಟಿ. ಗುರುರಾಜ ರವರ ಸಮಕ್ಷಮದಲ್ಲಿ ಹಿಂತಿರುಗಿಸಿರುತ್ತಾರೆ.

ಮದುಕೇಶವ್ ರವರನ್ನು ವಿಚಾರಿಸಲಾಗಿ, ತನ್ನ ಸ್ನೇಹಿತರೊಬ್ಬರು ನಾರಾಯಣ ಹೃದಯಾಲಯದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರ ಚಿಕಿತ್ಸೆಗೆ ಆಸ್ಪತ್ರೆಗೆ ಹಣ ಕಟ್ಟಲು ಒಂದು ಲಕ್ಷ ಹಣ ತಂದಿದ್ದಾಗಿ ತಿಳಿಸಿರುತ್ತಾರೆ.

ಸದರಿ ಶ್ರೀ ತಿರುಮೂರ್ತಿ ರವರ ಪ್ರಾಮಾಣಿಕತೆಯನ್ನು ಶ್ರೀ ಮಿಥುನ್ ಕುಮಾರ್ ಜಿ. ಕೆ. ಪೋಲಿಸ್ ಅಧೀಕ್ಷಕರು, ಶಿವಮೊಗ್ಗ ಜಿಲ್ಲೆ ರವರು ಪ್ರಶಂಸಿಸಿ ಶ್ಲಾಘಿಸಿರುತ್ತಾರೆ.

Leave a Reply

Your email address will not be published. Required fields are marked *