ಶಿವಮೊಗ್ಗ ನಗರದಲ್ಲಿ ಆಟೋ ಪ್ರಯಾಣಿಕರೊಬ್ಬರು ತಮ್ಮ ಬ್ಯಾಗನ್ನು ಆಟೋದಲ್ಲಿ ಬಿಟ್ಟು ಹೋಗಿದ್ದು, ಆಟೋ ಚಾಲಕರಾದ ಹರೀಶ್ ಬಿನ್ ದ್ಯಾಮಪ್ಪ, ಗೊಂಧಿ ಚಟ್ನಳ್ಳಿ ಇವರು ತಮ್ಮ ಆಟೋದಲ್ಲಿ ಒಂದು ಬ್ಯಾಗನ್ನು ಬಿಟ್ಟು ಹೋಗಿದ್ದನ್ನು ಪಶ್ಚಿಮ ಸಂಚಾರ ಪೊಲೀಸ್ ಠಾಣೆಗೆ ತಂದು ಕೊಟ್ಟು ಪ್ರಾಮಾಣಿಕತೆ ಮೆರೆದಿದ್ದಾರೆ.

ನಂತರ ಪಶ್ಚಿಮ ಸಂಚಾರಿ ಪೊಲೀಸ್ ಠಾಣೆಯ ಶ್ರೀಮತಿ ಸ್ವಪ್ನ ಪಿ. ಎಸ್. ಐ. ಅಧಿಕಾರಿ ಮತ್ತು ಸಿಬ್ಬಂದಿ ವರ್ಗದವರು ಆ ಬ್ಯಾಗಿನಲ್ಲಿದ್ದ ದಾಖಲಾತಿ ಆಧಾರದ ಮೇಲೆ ಬ್ಯಾಗಿನ ಮಾಲೀಕರಾದ ನಕ್ಷ ಬಿನ್ ಮಾಲತಿ ತೀರ್ಥಹಳ್ಳಿ ಇವರಿಗೆ ಕರೆ ಮಾಡಿ, ಆ ಬ್ಯಾಗಿನಲ್ಲಿದ್ದ 13, 500 ಹಣ ಮತ್ತು ಇತರೆ ವಸ್ತುಗಳನ್ನು ವಾಪಸ್ ಆಟೋ ಪ್ರಯಾಣಿಕರಿಗೆ ವಾಪಸ್ ಕೊಟ್ಟು ಮಾನವೀಯತೆ ಮೆರೆದಿದ್ದಾರೆ.


ಆಟೋ ಚಾಲಕರ ಪ್ರಾಮಾಣಿಕತೆಗೆ ಶಿವಮೊಗ್ಗ ನಗರ ಸಂಚಾರಿ ಪೊಲೀಸರು ಮೆಚ್ಚುಗೆ  ವ್ಯಕ್ತಪಡಿಸಿದ್ದಾರೆ.

Leave a Reply

Your email address will not be published. Required fields are marked *