ಮಕ್ಕಳ ದಿನಾಚರಣೆಯ ಪ್ರಯುಕ್ತ ರೋಟರಿ ಕ್ಲಬ್ ಶಿವಮೊಗ್ಗ ಸೆಂಟ್ರಲ್ ವತಿಯಿಂದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಸೋಗಾನೆ ಶಿವಮೊಗ್ಗ ಜಿಲ್ಲೆ ವಿಶೇಷ ಸೇವಾ ಕಾರ್ಯಕ್ರಮ ನಡೆಯಿತು.
ಈ ಸಂದರ್ಭದಲ್ಲಿ ಶಾಲೆಯ ಎಲ್ಲಾ ಮಕ್ಕಳಿಗೂ ನೋಟ್‌ಬುಕ್, ಪೆನ್, ಟಿಫಿನ್ ಕ್ಯಾರಿಯರ್ ಮತ್ತು ವಾಟರ್ ಕ್ಯಾನ್‌ಗಳನ್ನು ವಿತರಿಸಲಾಯಿತು. ಕಾರ್ಯಕ್ರಮದಲ್ಲಿ ಮಾತನಾಡಿದ ಕ್ಲಬ್ ಅಧ್ಯಕ್ಷರಾದ ಬಸವರಾಜ್ ಬಿ. ಅವರು ಶಾಲೆಯ ಮೂಲ ಸೌಕರ್ಯಗಳ ಬಗ್ಗೆ ವಿವರವಾಗಿ ಮಾತನಾಡಿ, ರೋಟರಿ ಸಂಸ್ಥೆಯ ಸೇವಾ ಚಟುವಟಿಕೆಗಳು ಮತ್ತು ಸಮಾಜಮುಖಿ ಕೆಲಸಗಳ ಬಗ್ಗೆ ಮಕ್ಕಳಿಗೂ ಶಿಕ್ಷಕರಿಗೂ ಪರಿಚಯ ಮಾಡಿಕೊಟ್ಟರು.
ರೋಟರಿ ಸದಸ್ಯರ ನಿರಂತರ ಬೆಂಬಲದಿಂದ ಇಂತಹ ಸೇವಾ ಕಾರ್ಯಗಳು ಯಶಸ್ವಿಯಾಗಿ ಮುಂದುವರಿಯುತ್ತಿವೆ ಎಂದು ಅವರು ಹೇಳಿದರು. ಕಾರ್ಯಕ್ರಮದಲ್ಲಿ ರೋಟರಿ ಸದಸ್ಯರಾದ ಕಾರ್ಯದರ್ಶಿ ಜಯಶೀಲ್ ಶೆಟ್ಟಿ, ವಲಯ ಸೇನಾಮಿ, ಕಿರಣ್ ಕುಮಾರ್ ಜಿ, ಫಸ್ಟ್ ಎ.ಜಿ. ರವಿ ಕೂಟೋಜಿ, ಫಸ್ಟ್ ಪ್ರೆಸಿಡೆಂಟ್ ಧರ್ಮೇಂದ್ರ ಸಿಂಗ್, ಸಂತೋಷ್ ಬಿ.ಎ., ಬಲರಾಮ್, ಅನ್ನಸ್, ಪ್ರೆಸಿಡೆಂಟ್ ರಾಜಶ್ರೀ ಬಸವರಾಜ್, ಕಾರ್ಯದರ್ಶಿ ಮಥುರ , ಗೀತಾಜಗದೀಶ್, ನಯನ, ಕೆನಿತ್ ಹಾಗೂ ಅನೇಕ ಸದಸ್ಯರು ಭಾಗವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಶಾಲೆಯ ಮುಖ್ಯೋಪಾಧ್ಯಾಯಿನಿ ಸುಮತಿ, ಶಿಕ್ಷಕವೃಂದದ ಕಿರಣ್ ಕುಮಾರ್, ಪಂಚಾಯತ್ ಅಧ್ಯಕ್ಷರಾದ ಜಗದೀಶ್, ಎಸ್.ಟಿ.ಎಂ.ಸಿ ಅಧ್ಯಕ್ಷರು, ಗ್ರಾಮ ಪಂಚಾಯತ್ ಉಪಾಧ್ಯಕ್ಷರು, ಶಾಲಾ ಶಿಕ್ಷಕರು ಮತ್ತು ಮಕ್ಕಳ ಪೋಷಕರು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಮುಖ್ಯೋಪಾಧ್ಯಾಯಿನಿ ಸುಮತಿ ಅವರು ರೋಟರಿ ಕ್ಲಬ್‌ನ ನಿಸ್ವಾರ್ಥ ಸೇವೆಯನ್ನು ಮೆಚ್ಚಿ ಅಭಿನಂದಿಸಿದರು.ರೋಟರಿಯ ಸೇವಾ ಕಾರ್ಯಗಳು ಪ್ರಪಂಚದಾದ್ಯಂತ ವಿಸ್ತಾರಗೊಂಡಿದ್ದು, ಸಮಾಜಕ್ಕ್ ಕೊಡುಗೆ ನೀಡುತ್ತಿದೆ ಎಂದು ಅವರು ತಿಳಿಸಿದರು.