ಕರ್ನಾಟಕ ರಕ್ಷಣಾ ವೇದಿಕೆ ಸಿಂಹ ಸೇನೆಯು ಉಪ ಸಂರಕ್ಷಣಾಧಿಕಾರಿಯವರ ಕಚೇರಿ ವನ್ಯಜೀವಿ ವಿಭಾಗ ಶಿವಮೊಗ್ಗಕ್ಕೆ ಭೇಟಿ ನೀಡಿ ಕರ್ನಾಟಕ ರಕ್ಷಣಾ ವೇದಿಕೆ ಸಿಂಹ ಸೇನೆ, ರಾಜ್ಯಾಧ್ಯಕ್ಷರಾದ ರವಿಪ್ರಸಾದ್ ಎಂ ಜಿಲ್ಲಾಧ್ಯಕ್ಷರಾದ ಮಧುಸೂಧನ್ ಎಸ್ ಎಂ ರವರ ನೇತೃತ್ವದಲ್ಲಿ ಭೇಟಿ ನೀಡಲಾಯಿತು.
ಈ ಹಿಂದೆ ಸಕ್ರೆ ಬಯಲಿನ ಆನೆ ಬಾಲಣ್ಣನ ಪರಿಸ್ಥಿತಿಯ ಬಗ್ಗೆ ಹೋರಾಟಗಳನ್ನು ನಡೆಸಿ ಮುಖ್ಯಮಂತ್ರಿಗಳು ಮತ್ತು ಅರಣ್ಯ ಸಚಿವರಿಗೆ ಜಿಲ್ಲಾಧಿಕಾರಿಗಳ ಮುಖ್ಯನಾ ಮನವಿಗಳನ್ನು ಸಲ್ಲಿಸಿದ ಅನ್ವಯ ಮತ್ತು ಸಕ್ರೆ ಬಯಲಿನ ಕಾಡಿನಲ್ಲಿ ಆನೆಯ ವಿಷಯಕ್ಕೆ ಸಂಬಂಧಪಟ್ಟಂತೆ ಪ್ರತಿಭಟನೆಗಳಿಗೆ ಮುಂದಾದಾಗ ಅಲ್ಲಿಯ ಅಧಿಕಾರಿಗಳು ಮತ್ತು ಸಿಸಿಎಫ್ಓ ಹನುಮಂತಪ್ಪನವರು ಆನೆಯ ವಿಷಯದಲ್ಲಿ ಎಲ್ಲಾ ರೀತಿಯ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಂಡು ಅದಕ್ಕೆ ಸೂಕ್ತ ಚಿಕಿತ್ಸೆ ಕೊಡಲು ಸಹಕರಿಸಬೇಕೆಂದು ಹೇಳಿದ್ದರು.
ಆ ಸಂದರ್ಭದಲ್ಲಿ ಕರವೇ ಸಿಂಹ ಸೇನೆಯು ಬಾಲಣ್ಣ ಆನೆಯ ವಿಚಾರಕ್ಕೆ ಸಂಬಂಧಪಟ್ಟಂತೆ ಪತ್ರಿಕಾ ಹೇಳಿಕೆಯನ್ನು ಕೊಡಬೇಕೆಂದು ಮನವಿಯನ್ನು ಸಹ ಮಾಡಿತ್ತು.ಅದಕ್ಕೆ ಇದುವರೆಗೂ ಸ್ಪಂದಿಸದೆ ಯಾವುದೇ ತರಹದ ವಿಚಾರಗಳನ್ನು ಸಾರ್ವಜನಿಕರಿಗಾಗಲಿ ಪತ್ರಿಕೋದ್ಯಮದವರಿಗಾಗಲಿ ತಿಳಿಸದೆ ಆನೆಯ ವಿಚಾರದಲ್ಲಿ ಕಣ್ಣ ಮುಚ್ಚಾಲೆ ಆಡುತ್ತಿರುವುದು ಸರಿಯಲ್ಲ ಎಂದು ದೂರಿಯರು.
ದೂರವಾಣಿಯ ಮೂಲಕ ಆರ್ ಎಫ್ ವಿನಯ್ ಮಾತನಾಡುವುದರ ಮೂಲಕ ಮುಂದಿನ ದಿನಗಳಲ್ಲಿ ಬಾಲಣ್ಣ ಆನೆಯ ವಿಚಾರಕ್ಕೆ ಸಂಬಂಧಪಟ್ಟಂತೆ ಪತ್ರಿಕಾ ಹೇಳಿಕೆಯನ್ನು ಕೊಡಬೇಕೆಂದು ಆಗ್ರಹಿಸಲಾಯಿತು.ಹಾಗೆಯೇ ಆನೆಯ ಕಿವಿಯನ್ನು ತೆಗೆದು ಹಾಕಿರುವ ವಿಚಾರವನ್ನು ಕೂಡ ದೂರವಾಣಿಯ ಮುಲಕ ಮಾತನಾಡುವಾಗ ಖಚಿತಪಡಿಸಿಕೊಳ್ಳಲಾಯಿತು.
ಈಗ ಆನೆಯ ಪರಿಸ್ಥಿತಿ ಹೇಗಿದೆ ಎಂಬುದನ್ನು ಜನರ ಮುಂದೆ ಪ್ರತಿವಾರಕ್ಕೆ ಒಮ್ಮೆಯಾದರೂ ತಿಳಿಸಬೇಕು.ಆನೆ ಪ್ರಿಯರು ಈ ರಾಜ್ಯದಲ್ಲಿ ಹೆಚ್ಚು ಜನರಿದ್ದು ಅವರೆಲ್ಲರ ಸಮಾಧಾನ ಆಗುವಂತಹ ಮತ್ತು ಕರಾವೇ ಸಿಂಹ ಸೇನೆಯ ಎಲ್ಲಾ ಪದಾಧಿಕಾರಿಗಳು ಕಾರ್ಯಕರ್ತರಿಗೆ ಸ್ಪಷ್ಟ ಮಾಹಿತಿಯನ್ನು ನೀಡುವುದರ ಮೂಲಕ ಚಿಕಿತ್ಸೆ ಮತ್ತು ಆನೆಯ ಸ್ಥಿತಿಗತಿಗಳನ್ನು ಪತ್ರಿಕೆಗಳಲ್ಲಿ ಹೇಳಿಕೆ ಕೊಡಬೇಕೆಂದು ಆಗ್ರಹಿಸಲಾಯಿತು.ಒಂದು ಪಕ್ಷ ಸ್ಪಂದಿಸದೆ ಹೋದರೆ ಮುಂದಿನ ದಿನಗಳಲ್ಲಿ ನ್ಯಾಯಾಲಯಕ್ಕೆ ದೂರನ್ನು ಸಲ್ಲಿಸುವುದರ ಮೂಲಕ ಮೊಕದ್ದಮೆಗಳನ್ನು ಹುಡುವುದಾಗಿ ತಿಳಿಸಲಾಯಿತು.
ಈ ಸಂದರ್ಭದಲ್ಲಿ ಸಿಂಹ ಸೇನೆಯ ಮುಖಂಡರಾದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅಭಿಜಿತ್ ನವಲೆ, ನಗರ ಘಟಕದ ಅಧ್ಯಕ್ಷರು ಕಾರ್ತಿಕ್ ಪೂಜಾರಿ ,ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ರಾಘವೇಂದ್ರ ಜಿಲ್ಲಾ ಉಪಾಧ್ಯಕ್ಷರು ಗೋಪಿ, ರಘುನಂದನ್ ಸೇರಿದಂತೆ ಗೋವಿಂದಾಪುರದ ಅಧ್ಯಕ್ಷರಾದ ಕುಮಾರ್ ಮತ್ತು ಶರತ್, ಲಿಂಗರಾಜು, ಶಿವಣ್ಣ, ರಫೀಕ್, ಮತ್ತಿತರರು ಪಾಲ್ಗೊಂಡಿದ್ದರು.