ರೋಟರಿ ಕ್ಲಬ್ ಮಿಡ್ ಟೌನ್‌ನ ಬ್ಲಡ್ ಬ್ಯಾಂಕ್ ನವೀಕೃತ ಕಾರ್ಯಾಲಯವನ್ನು ರೋಟರಿ ಜಿಲ್ಲಾ ಗವರ್ನರ್ ರೋಟೇರಿಯನ್ ಕೆ. ಪಾಲಾಕ್ಷರವರು ಇತ್ತೀಚೆಗೆ ಉದ್ಘಾಟಿಸಿದರು.

ಆಧುನಿಕ ಉಪಕರಣಗಳು ಹಾಗೂ ಕೃತಕ ಬುದ್ಧಿಮತ್ತೆಯ ಆಧಾರಿತ ತಂತ್ರಜ್ಞಾನಗಳನ್ನು ಒಳಗೊಂಡಿರುವ ಈ ನವೀಕೃತ ಬ್ಲಡ್ ಬ್ಯಾಂಕ್, ರಾಜ್ಯದಲ್ಲಿ ಅತ್ಯಾಧುನಿಕ ಸೌಲಭ್ಯ ಹೊಂದಿದ ಎರಡನೇ ಬ್ಲಡ್ ಬ್ಯಾಂಕ್ ಆಗಿ ಗುರುತಿಸಿಕೊಂಡಿದೆ.

ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಗವರ್ನರ್ ಕೆ. ಪಾಲಾಕ್ಷರು, “ರೋಟರಿ ಬ್ಲಡ್ ಬ್ಯಾಂಕ್‌ನ ಈ ನವೀಕೃತ ಕೆಲಸವು ಕ್ಲಬ್ ಸದಸ್ಯರ ತ್ಯಾಗ, ನಿಷ್ಠೆ ಮತ್ತು ಸಮರ್ಪಣೆಯಿಂದ ಸಾಧ್ಯವಾಗಿದೆ. ಇದು ಶಿವಮೊಗ್ಗ ಜಿಲ್ಲೆಗೆ ಹಾಗೂ ರಾಜ್ಯದ ಆರೋಗ್ಯ ಸೇವಾ ಕ್ಷೇತ್ರಕ್ಕೆ ಮಾದರಿಯಾಗಿದೆ,” ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಫಾಸ್ಟ್ ಡಿಸ್ಟ್ರಿಕ್ಟ್ ಗವರ್ನರ್ ರೊಟೇರಿಯನ್ ಡಾ. ಪಿ. ನಾರಾಯಣ್, ಟ್ರಸ್ಟಿಗಳಾದ ಡಾ ಶಿವರಾಮಕೃಷ್ಣ, ಮದನ್ ಲಾಲ್, ಶಿವಶಂಕರ್, ಹರಿಪ್ರಸಾದ್, ರಂಗರಾಜನ್, ಉದಯ್ ಪ್ರಭು ಹಾಗೂ ಕ್ಲಬ್ ಅಧ್ಯಕ್ಷ ರೋಟೇರಿಯನ್ ಹರ್ಷ ಬಿ. ಕಾಮತ್ ಮತ್ತು ಕಾರ್ಯದರ್ಶಿ ಆರ್.ಎನ್. ಮಂಜುನಾಥ್ ಉಪಸ್ಥಿತರಿದ್ದರು.

ರೋಟರಿ ಬ್ಲಡ್ ಬ್ಯಾಂಕ್ ನವೀಕರಣ ಕಾರ್ಯಾಲಯದ ಮೂಲಕ, ರಕ್ತದ ಸಂಗ್ರಹಣೆ, ಸಂರಕ್ಷಣೆ ಮತ್ತು ವಿತರಣೆ ಕ್ರಮಗಳು ಇನ್ನಷ್ಟು ವೇಗ ಮತ್ತು ನಿಖರತೆಯನ್ನು ಪಡೆದುಕೊಳ್ಳಲಿವೆ ಎಂಬ ನಿರೀಕ್ಷೆ ವ್ಯಕ್ತವಾಗಿದೆ.

Leave a Reply

Your email address will not be published. Required fields are marked *