ಶಿವಮೊಗ್ಗ: ನಿರಂತರ ಕುಡಿಯುವ ನೀರಿನ ಸರಬರಾಜು ಯೋಜನೆಯ ನೀರಿನ ತೆರಿಗೆ ಕುರಿತಂತೆ ವಿಶೇಷ ಸಭೆ ಕರೆಯಬೇಕೆಂದು ಪಾಲಿಕೆ ವಿಪಕ್ಷ ನಾಯಕಿ ಯಮುನಾ ರಂಗೇಗೌಡ ಒತ್ತಾಯಿಸಿದ್ದಾರೆ.
ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ 24*7 ನಿರಂತರ ನೀರು ಕುಡಿಯುವ ಸರಬರಾಜು ಯೋಜನೆ ಅನುಷ್ಠಾನಗೊಳ್ಳುತ್ತಿದ್ದು, ಕಾರ್ಯಾದೇಶದ ಪ್ರಕಾರ, ನಿಗದಿತ ಅವಧಿ ಮುಗಿದಿದ್ದರೂ ಸಹ ಕಾಮಗಾರಿ ಪೂರ್ಣಗೊಂಡಿಲ್ಲ. ಬಹುತೇಕ ವಾರ್ಡ್ ಗಳಲ್ಲಿ ಯೋಜನೆಯ ಗೃಹ ಸಂಪರ್ಕ ನೀಡಿಲ್ಲ. ರವೀಂದ್ರ ನಗರ ಬಡಾವಣೆಯ ಹಾಗೂ ಇನ್ನಿತರ ಬಡಾವಣೆ ನಾಗರಿಕರಿಗೆ ಈ ಯೋಜನೆಯಡಿಯಲ್ಲಿ ನಗರ ನೀರು ಸರಬರಾಜು ಮಂಡಳಿ ವತಿಯಿಂದ ನೀಡಲಾಗಿರುವ ನೀರಿನ ತೆರಿಗೆ ಬಿಲ್ ನಲ್ಲಿ ನಮೂದಿಸಿರುವ ತೆರಿಗೆ ದರದ ಬಗ್ಗೆ ಆಕ್ಷೇಪಣೆ ವ್ಯಕ್ತಪಡಿಸಿದ್ದಾರೆ ಎಂದು ದೂರಿದ್ದಾರೆ.
ಈ ಹಿನ್ನಲೆಯಲ್ಲಿ ಕಾರಣ ಕೂಡಲೇ ನಗರ ನೀರು ಸರಬರಾಜು ಮಂಡಳಿ ಅಧಿಕಾರಿಗಳು, ಪಾಲಿಕೆ ಸದಸ್ಯರು, ಹಾಗೂ ಬಡಾವಣೆಗಳ ನಾಗರಿಕ ಸಮಿತಿಗಳ ಸಭೆಯನ್ನು ಕೂಡಲೇ ಆಯೋಜಿಸಿ ತೆರಿಗೆದಾರರ ಸ್ನೇಹಿ ನೀರಿನ ಸರಬರಾಜು ವ್ಯವಸ್ಥೆ ಕಲ್ಪಿಸಲು ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಪಾಲಿಕೆ ಮಹಾಪೌರರನ್ನು ಒತ್ತಾಯಿಸಿದ್ದಾರೆ.