ಎಐಸಿಸಿ ಸದಸ್ಯರು ಕೆಪಿಸಿಸಿ ಕಾರ್ಯಾದ್ಯಕ್ಷರು ಮಂಗಳೂರು ಉಡುಪಿ ಕ್ಷೇತ್ರದ ವಿಧಾನ ಪರಿಷತ್ ಸದಸ್ಯರು ಬಂಟರ ಸಮಾಜದ ಮುಖಂಡರು ಮಂಜುನಾಥ್ ಭಂಡಾರಿಯವರ ಹುಟ್ಟು ಹಬ್ಬದ ವಿಶೇಷವಾಗಿ ಆಚರಿಸಿದರು.
ನಗರದ ಮೆಗ್ಗಾನ್ ಆಸ್ಪತ್ರೆ ಆವರಣದಲ್ಲಿ ಯಂಗ್ ಬ್ರಿಗೇಡ್ ಪೂರ್ಣೇಶ್ ನೇತೃತ್ವದಲ್ಲಿ ರೋಗಿಗಳಿಗೆ ಮತ್ತು ಸಾರ್ವಜನಿಕರಿಗೆ ಅನ್ನ ಸಂತರ್ಪಣೆ ಮಾಡಿದರು.ಮತ್ತೊಂದು ಕಡೆ ಕಾಂಗ್ರೆಸ್ ಮುಖಂಡರ ನೇತೃತ್ವದಲ್ಲಿ ಶಿಕಾರಿಪುರ ತಾಲೂಕಿನ ಆಶಾ ಕಾರ್ಯಕರ್ತೆಯರಿಗೆ ಸೀರೆ ಹಾಗು ಸಿಹಿ ವಿತರಿಸಿದರು.
ನಂತರ ಮಾತನಾಡಿದ ಪೂರ್ಣೇಶ್ ರವರು ವಿಧಾನ ಪರಿಷತ್ ಸದಸ್ಯರಾದ ಮಂಜುನಾಥ್ ಭಂಡಾರಿಯವರ ಹುಟ್ಟು ಹಬ್ಬವನ್ನು ವಿಶೇಷವಾಗಿ ಮತ್ತು ಅರ್ಥ ಪೂರ್ಣವಾಗಿ ಆಚರಿಸಲಾಗಿದೆ. ಸರಳ ಸಜ್ಜನ ವ್ಯಕ್ತಿತ್ವದವರಾದ ಅವರು, ಶಿಕ್ಷಣ ಪ್ರೇಮಿ ಹಾಗು ಯುವಕರ ಸ್ಪೂರ್ತಿ, ನನ್ನಂತ ಬಾಹಳಷ್ಟು ಯುವಕರಿಗೆ ಮಾರ್ಗದರ್ಶಕರಾಗಿ ಮುನ್ನಡೆಸಿದ್ದಾರೆ ಎಂದರು.
ಶಿಕಾರಿಪುರದಲ್ಲಿ ದರ್ಶನ್ ಮಾತನಾಡಿ ಭಂಡಾರಿಯವರು ಪಕ್ಷ ನಿಷ್ಠೆಯಿಂದ ಇದ್ದ ಪರಿಣಾಮ ಇಂದು ವಿಧಾನ ಪರಿಷತ್ ಸದಸ್ಯರಾಗಿದ್ದಾರೆ. ಮುಂದಿನ ದಿನಗಳಲ್ಲಿ ರಾಜ್ಯದ ಮಂತ್ರಿಯಾಗುವ ಎಲ್ಲಾ ಅರ್ಹತೆ ಅವರಿಗೆ ಇದೆ ಎಂದರು.
ಈ ಸಂದರ್ಭದಲ್ಲಿ ಪೂರ್ಣೇಶ್ ,ಲಕ್ಷ್ಮಿಕಾಂತ್ , ಚೇತನ್ , ಮಧು ,ಉಳ್ಳಿ ದರ್ಶನ್ , ಗೋಣಿ ಮಾಲತೇಶ್ , ಶಿವು ನಾಯಕ್, ಮುನಿಯಪ್ಪ, ತಿಮ್ಮಣ್ಣ, ನಗರದ ಮಾಲತೇಶ್, ಸಂತೋಷ್ ಗುಡ್ಡಳ್ಳಿ, ದುರ್ಗಾವರ್ ಗಿರೀಶ್, ರಬ್ಬಾನಿ ಮುಂತಾದ ಮುಖಂಡರು ಕಾರ್ಯಕರ್ತರು ಉಪಸ್ಥಿತರಿದ್ದರು.