ಜನ ಸಂಪರ್ಕ ಸಭೆಗಳ ಮೂಲಕ ಸಮಸ್ಯೆಗಳನ್ನು ಆಲಿಸಿ ಬಡವರಿಗೆ, ಸಾರ್ವಜನಿಕರಿಗೆ ಅನುಕೂಲ ಮಾಡುವ ಎಲ್ಲ ರೀತಿಯ ಪ್ರಯತ್ನ ಮಾಡಲಾಗುವುದು ಎಂದು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಎಸ್. ಮಧು ಬಂಗಾರಪ್ಪ ತಿಳಿಸಿದರು.
ಸಾಗರ ತಾಲೂಕು ತಾಳಗುಪ್ಪ ಗ್ರಾಮದ ಸರ್ಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಆವರಣದಲ್ಲಿ ಏರ್ಪಡಿಸಲಾಗಿದ್ದ ತಾಳಗುಪ್ಪ ಹೋಬಳಿ ವ್ಯಾಪ್ತಿಯ ಜನ ಸಂಪರ್ಕ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
ಕಾನೂನಿನ ಆಚೆಯೂ ಬಡವರಿಗೆ, ಸಂತ್ರಸ್ತರಿಗೆ ಸಹಾಯ ಮಾಡಲು ಯತ್ನಿಸಲಾಗುತ್ತಿದೆ. ಇಂದು ತಾಳಗುಪ್ಪ ಹೋಬಳಿ ವ್ಯಾಪ್ತಿಯ ಸಾರ್ವಜನಿಕರ ಸಮಸ್ಯೆಗಳನ್ನು ಖುದ್ದು ಆಲಿಸಿ, ಅರ್ಜಿ ಪಡೆದು ಬಗೆಹರಿಸಲಾಗುವುದು ಎಂದರು.
ಕಂದಾಯ ಇಲಾಖೆ ಅಧಿಕಾರಿಗಳು ಸಮನ್ವಯದೊಂದಿಗೆ ಕೆಲಸ ಮಾಡಿ, ಸಾರ್ವಜನಿಕರಿಗೆ, ಬಡವರಿಗೆ ಅನುಕೂಲ ಮಾಡಿಕೊಡಬೇಕೆಂದು ತಿಳಿಸಿದ ಅವರು ಗ್ರಾಮಸ್ಥರಿಂದ ಸಮಸ್ಯೆಗಳ ಕುರಿತಾದ ಅರ್ಜಿಗಳನ್ನು ಸ್ವೀಕರಿಸಿ, ಪರಿಶೀಲಿಸಿ ಸಂಬಂಧಿಸಿದ ಅಧಿಕಾರಿಗಳು ಪರಿಹಾರ ಒದಗಿಸುವಂತೆ ಸ್ಥಳದಲ್ಲೇ ಸೂಚಿಸಿದರು.
ಸ್ವೀಕೃತವಾದ ಅರ್ಜಿಗಳು :
- ತಾಳಗುಪ್ಪ ಹೋಬಳಿಯ ಕನ್ನಪ್ಪ ನವರು ಸಂತೆ ಮಾರುಕಟ್ಟೆಗೆ ಭೂಮಿ ಮಂಜೂರುಬಮಾಡುವಂತೆ ಅರ್ಜಿ ಸಲ್ಲುಸಿದರು. ಸಚಿವರು ಪರಿಶೀಲಿಸಿ ೨-೩ ದಿನದಲ್ಲಿ ಅರ್ಜಿ ವಿಲೇ ಮಾಡಲು ಅಧಿಕಾರಿಗಳಿಗೆ ಸೂಚನೆ ನೀಡಿದರು.
- ಕಾನಲೆ ಗ್ರಾ.ಪಂ ವ್ಯಾಪ್ತಿಯ ಪಡುಗೋಡು ಗ್ರಾಮಸ್ಥರು ರಸ್ತೆ ದುರಸ್ತಿ ಅರ್ಜಿ ಸಲ್ಲಿಸಿದರು.
ಪರಿಶೀಲಿಸಿ ಮಾಡಿಸುವುದಾಗಿ ಸಚಿವರು ತಿಳಿಸಿದರು. - ಮರ್ತೂರು ಗ್ರಾಮಕ್ಕೆ ಬಹುಗ್ರಾಮ ಕುಡಿಯುವ ನೀರಿನ ಯೋಜನೆ ಮಾಡಿಕೊಡುವಂತೆ ಗ್ರಾಮಸ್ಥರು ಮನವಿ ಸಲ್ಲಿಸಿದರು.
- ತಾಳಗುಪ್ಪ ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ಮೇಲ್ದರ್ಜೆಗೇರಿಸುವಂತೆ ಗ್ರಾಮಸ್ಥರು ಮನವಿ.
- ಮಂಡಗಳಲೆಯ ಹುಚ್ಚಪ್ಪ ನವರು ಹೊಸ ಕಂದಾಯ ಗ್ರಾಮ ರಚನೆ ಬಗ್ಗೆ ಅರ್ಜಿ ಸಲ್ಲಿಸಿದರು.
- ನಾಡ ಕಚೇರಿ ಸ್ಥಳಾಂತರ ಮಾಡುವಂತೆ ಹಾಗೂ ಆಶಾ ಕಾರ್ಯಕರ್ತೆಯರು ತಮ್ಮ ಬಾಕಿ ಗೌರವ ಧನ ನೀಡುವಂತೆ ಮನವಿ.
- ಹೊಸ ಕಂದಾಯ ಗ್ರಾಮದ ಬಗರ್ ಹುಕುಂ ಹಕ್ಕುಪತ್ರ , ಇತರೆ ದಾಖಲಾತಿಗಳನ್ನು ಸಾಫ್ಟ್ವೇರ್ ನಲ್ಲಿ ಡಿಜಿಟಲೀಕರಣ ಮಾಡಿಸುವಂತೆ ಮನವಿ.
- ಕುಗ್ವೆ ಗ್ರಾಮಸ್ಥರು ತಮ್ಮ ಅನುಬೋಗದ ಜಾಗಕ್ಕೆ ಹಕ್ಕುಪತ್ರ ನೀಡುವಂತೆ ಮನವಿ.
- ತಾಳಗುಪ್ಪ ಗ್ರಾಮಕ್ಕೆ ಪಿಯು ಕಾಲೇಜು ಮಂಜೂರಾತಿ ಮಾಡುವಂತೆ ಗ್ರಾಮಸ್ಥರು ಮನವಿ.
- ಶಿರೂರಿನ ಕೆರಿಯಪ್ಪನವರುಬ ಶಿರೂರು ಗ್ರಾಮದ ಅರಣ್ಯ ಜಾಗದಲ್ಲಿ ನಡೆಸಲಾಗುತ್ತಿರುವ ಬಾರ್ & ರೆಸ್ಟೋರೆಂಟ್ ತೆರವುಗೊಳಿಸುವಂತೆ ಮನವಿ.
ಸಾಗರದ ರೈತ ಮುಖಂಡ ಮಂಜಪ್ಪ‌‌ವ ಎಂ ಬಿ ಹಿರೇನಲ್ಲೂರು ಇವರು ಸರ್ಕಾರಿ ಜಾಗದಲ್ಲಿ ಮನೆ ಕಟ್ಟಿದ ಬಹುತೇಕ ರೈತರಿಗೆ ಹಕ್ಕುಪತ್ರ ಇಲ್ಲ, ಆದರೆ ವಿದ್ಯುತ್ ಸಂಪರ್ಕ ನೀಡಲು ಈ ದಾಖಲಾತಿ ಕೇಳಲಾಗುತ್ತಿದ್ದು ಅತಿ ಕಷ್ಟವಾಗುತ್ತಿದೆ. ಆದ್ದರಿಂದ ವಿದ್ಯುತ್ ಸಂಪರ್ಕ ಪಡೆಯಲು ಅನುಕೂಲ ಮಾಡಿಕೊಡಬೇಕೆಂದು ಮನವಿ ಮಾಡಿದರು.
ಅರಣ್ಯ ಭೂಮಿ, ಒತ್ತುವರಿ, ರಸ್ತೆ ಸೇರಿದಂತೆ ಕಂದಾಯ ಇಲಾಖೆಗೆ ಸಂಬಂಧಿಸಿದ 109 ಮತ್ತು ಇತರೆ 97 ಅರ್ಜಿ ಒಟ್ಟು 206 ಅರ್ಜಿಗಳನ್ನು‌ಸ್ವೀಕರಿಸಲಾಯಿತು.
ಇದೇ ವೇಳೆ ಹೋಬಳಿ ವ್ಯಾಪ್ತಿಯ ಹೊಸ ಕಂದಾಯ ಗ್ರಾಮಗಳ ನಿವೇಶನ ರಹಿತ 57 ಫಲಾನುಭವಿಗಳಿಗೆ 94 ಡಿ ಹಕ್ಕು ಪತ್ರ ವಿತರಣೆ ಮಾಡಲಾಯಿತು.
ಕಾರ್ಯಕ್ರಮದಲ್ಲಿ ಸಾಗರ ಎಸಿ ವೀರೇಶ್ ಕುಮಾರ್ , ಸಾಗರ ತಹಶಿಲ್ದಾರರಾದ ರಶ್ಮಿ, ಸಾಗರ ತಾಲ್ಲೂಕು ಇಓ ಶಿವಪ್ರಕಾಶ್ , ಗ್ರಾ.ಪಂ ಸದಸ್ಯರು, ಬಗರ್ ಹುಕುಂ ಸಮಿತಿ ಸದಸ್ಯರು, ಇತರೆ ಮುಖಂಡರು, ಸಾರ್ವಜನಿಕರು ಪಾಲ್ಗೊಂಡಿದ್ದರು.