72ನೇ ಅಖಿಲ ಭಾರತ ಸಹಕಾರ ಸಪ್ತಾಹ ದಿನಾಚರಣೆಯನ್ನು ಭದ್ರಾವತಿ ಮಿಲಿಟರಿ ಕ್ಯಾಂಪ್ ಪ್ರದೇಶದಲ್ಲಿರುವ ಗೊಂದಿ ಯೋಜನಾ ಮಟ್ಟದ ನೀರು ಬಳಕೆದಾರರ ಸಹಕಾರ ಸಂಘಗಳ ಒಕ್ಕೂಟ (ನಿ)ಇಲ್ಲಿ ಸಹಕಾರ ಧ್ವಜಾರೋಹಣೆ ಮಾಡುವುದರ ಮೂಲಕ ನೆರವೇರಿಸಲಾಯಿತು.
ಈ ಸಂದರ್ಭದಲ್ಲಿ ಭದ್ರಕಾಡ ಅಧ್ಯಕ್ಷರಾದ ಡಾ. ಕೆ ಪಿ ಅಂಶುಮಂತ್ ಇವರು ಮಾತನಾಡುತ್ತಾ , ನೀರು ಬಳಕೆದಾರರ ಸಹಕಾರ ಸಂಘಗಳ ಸದಸ್ಯರು ಹೆಚ್ಚು ಹೆಚ್ಚು ತೊಡಗಿಕೊಳ್ಳುವಂತೆ ಮಾಡಿ, ನೀರಿನ ಶುಲ್ಕವನ್ನು ವಸೂಲಿ ಮಾಡುವುದರ ಮೂಲಕ ಸ್ವಯಂ ಸಂಪನ್ಮೂಲಗಳನ್ನು ಸಂಗ್ರಹಿಸಿಕೊಳ್ಳುವಂತೆ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಬೇಕು ಮತ್ತು ಸರ್ಕಾರದ ಯೋಜನೆಗಳನ್ನು ಬಳಸಿಕೊಂಡು ಆರ್ಥಿಕ ವಾಗಿ ಸ್ವಾವಲಂಬಿ ಆಗಬೇಕು ಎಂದು ಆಶಯ ವ್ಯಕ್ತಪಡಿಸಿದರು.
ಈ ನಿಟ್ಟಿನಲ್ಲಿ ಭದ್ರಕಾಡ ಮತ್ತು ಸರ್ಕಾರವು ನಿಮ್ಮೊಂದಿಗೆ ನಿರಂತರವಾಗಿ ಇದ್ದು ಅಗತ್ಯದ ಅನುಕೂಲತೆಗಳನ್ನು ಕಲ್ಪಿಸಲು ಸಿದ್ಧವಿದೆ ಎಂಬುದಾಗಿ ತಿಳಿಸಿದರು.ಕಳೆದ ಬಾರಿಗಿಂತಲೂ ಹೆಚ್ಚು ಅಂದಾಜು 150ಕ್ಕೂ ಹೆಚ್ಚು ಸಹಕಾರ ಸಂಘಗಳಿಗೆ ಈ ವರ್ಷ ಸರ್ಕಾರದ ವಾರ್ಷಿಕ ಕಾರ್ಯಾನುದಾನವನ್ನು ನೀಡಲಾಗುವುದು ಹಾಗೂ ಉತ್ತಮ ಸಹಕಾರ ಸಂಘಗಳಿಗೆ ಕೃಷಿ ಯಂತ್ರೋಪಕರಣಗಳನ್ನು ನೀಡಲಾಗುವುದು ಎಂದು ತಿಳಿಸಿದರು.
ಇದೇ ಸಂದರ್ಭದಲ್ಲಿ ಆಯೋಜಿಸಲಾಗಿದ್ದ ತರಬೇತಿಯಲ್ಲಿ ಡಾ. ನಾಗೇಶ್ ಎಸ್ ಡೋಂಗರೆ ,ಭೂ ಅಭಿವೃದ್ಧಿ ಅಧಿಕಾರಿ,ಭದ್ರಕಾಡಾ ಹಾಗೂ ನೆಲ ಮತ್ತು ಜಲ ನಿರ್ವಹಣಾ ಸಂಸ್ಥೆ ಧಾರವಾಡ ಇದರ ಸಹಪ್ರಾಧ್ಯಾಪಕರಾದ ಪ್ರದೀಪ್ ದೇವರಮನಿ ಮತ್ತು ನಾಗರಾಜ ತಹಸಿಲ್ದಾರ್ ಇವರು ಒಕ್ಕೂಟದ ಅಧೀನ ಸಹಕಾರ ಸಂಘಗಳ ಪದಾಧಿಕಾರಿಗಳಿಗೆ ತರಬೇತಿ ನೀಡಿದರು.
ಕಾರ್ಯಕ್ರಮದಲ್ಲಿ ಶ್ರೀ ಆರ್.ಸತೀಶ್,ಆಡಳಿತ ಅಧಿಕಾರಿಗಳು ಭದ್ರಕಾಡಾ,ಶ್ರೀ ರವಿಚಂದ್ರ ಮುಖ್ಯ ಇಂಜಿನಿಯರ್ ಮತ್ತು ರವಿ ಕುಮಾರ್ ಕಾರ್ಯಪಾಲಕ ಅಭಿಯಂತರರು,
ಎಸ್ ಈ ಮಂಜುನಾಥ ಸಹಕಾರ ಸಂಘಗಳ ಸಹಾಯಕ ನಿಬಂಧಕರು, ಗೊಂದಿ ಒಕ್ಕೂಟದ ಅಧ್ಯಕ್ಷರಾದ ಶ್ರೀ ಪ್ರಕಾಶ್ ಎಂ ಮತ್ತು ಉಪಾಧ್ಯಕ್ಷರಾದ ಶ್ರೀ ತೀರ್ಥಕುಮಾರ ಮತ್ತಿತರರು ಭಾಗವಹಿಸಿದ್ದರು.