ಶಿಕಾರಿಪುರ ನ್ಯೂಸ್…
ಶಿಕಾರಿಪುರ : ಪಟ್ಟಣದ ಮಯೂರ ಹೋಟೆಲ್ ಸಭಾಂಗಣದಲ್ಲಿ ಕರ್ನಾಟಕ ಜನ ಅಧಿಕಾರ ಪಕ್ಷದ ಕಾರ್ಯಕರ್ತರ ಸೇರ್ಪಡೆ ಕಾರ್ಯಕ್ರಮವನ್ನು ಪಕ್ಷದ ರಾಜ್ಯ ಅಧ್ಯಕ್ಷ ಬೈರಪ್ಪ ಹರೀಶ್ ಕುಮಾರ್ ಉದ್ಘಾಟನೆ ಮಾಡಿದರು.ಬಳಿಕ ನೂತನ ಪಕ್ಷದ ಸಿದ್ಧಾಂತ, ಉದ್ದೇಶದ ಬಗ್ಗೆ ಮಾತನಾಡಿದ ಅವರು ಉತ್ತರ ಭಾರತದ ರಾಜಕೀಯ ಪಕ್ಷಗಳು ಪ್ರಾದೇಶಿಕ ಸಂಸ್ಕೃತಿಯ ವಿರೋಧಿ ಆಗಿದ್ದು ಹಿಂದಿ ಬಾಷೆಯನ್ನೇ ನಮ್ಮ ಮೇಲೆ ಹೇರ ಹೊರಟಿದ್ದು , ಬೇರೆ ರಾಜ್ಯದವರು ನಮ್ಮ ಮೇಲೆ ಅಧಿಕಾರ ಮಾಡುತ್ತಿದ್ದು ನಮ್ಮ ಕನ್ನಡಿಗರು ಇವರ ಕೈ ಕೆಳಗೆ ದುಡಿಯುವ ಆಗಾಗಿದೆ.
ಬೆಂಗಳೂರು ಸೇರಿದಂತೆ ಹಲವು ಸಂಸ್ಥೆಗಳಲ್ಲಿ ಫ್ಯಾಕ್ಟರಿಗಳಲ್ಲಿ ಕೆಲಸಕ್ಕೆ ಸೇರುವವರಿಗೆ ಹಿಂದಿ ಇಂಗ್ಲಿಷ್ ಬಾಷೆ ಬರುತ್ತಾ ಎಂದು ಕೇಳುತ್ತಾರೆ , ಕನ್ನಡಿಗರು ಸಣ್ಣ ಪುಟ್ಟ ಕೆಲಸಕ್ಕೆ ಸೀಮಿತ ಆಗಿದ್ದು , ಉನ್ನತ ಹುದ್ದೆಗಳು ಕನಸಾಗಿದೆ. ಇನ್ನು ನಾಡು ನುಡಿ ಜಲ ವಿಚಾರದಲ್ಲಿ ಕನ್ನಡಿಗರ ಪ್ರಾದೇಶಿಕ ಪಕ್ಷದಿಂದ ಮಾತ್ರ ಮಾತ್ರ ಅಭಿವೃದ್ಧಿ ಸಾಧ್ಯ , ಅಕ್ಕ ಪಕ್ಕದ ರಾಜ್ಯಗಳಲ್ಲಿ ಪ್ರಾದೇಶಿಕ ಪಕ್ಷಗಳು ಆಸ್ತಿತ್ವದಲ್ಲಿದ್ದು ತಮ್ಮ ರಾಜ್ಯಗಳ ಅಭಿವೃದ್ಧಿಗೆ ಕೇಂದ್ರಕ್ಕೆ ಕೈ ಚಾಚುವುದಿಲ್ಲ ಆದರೆ ನಾವುಗಳು ನಮ್ಮಲ್ಲಿ ಅಭಿಮಾನದ ಶೂನ್ಯತೆಯಿಂದ ಲೂಟಿ ಕೋರರ ಕೈ ಯಲ್ಲಿ ಅಧಿಕಾರ ನೀಡಿ ನಮ್ಮ ತನವನ್ನು ನಾವುಗಳು ಮಾರಿಕ್ಕೊಂಡು ಕನ್ನಡಿಗರು ಕೆಲಸ ಇಲ್ಲದೇ ಅಭಿವೃದ್ಧಿ ಇಲ್ಲದೇ ಒಗ್ಗಟ್ಟು ಇಲ್ಲದೇ ಇದ್ದೇವೆ . ಎಲ್ಲರೂ ನಮ್ಮ ನೂತನ ಪಕ್ಷಕ್ಕೆ ಸೇರ್ಪಡೆ ಆಗುವುದರ ಮೂಲಕ ಪ್ರಾದೇಶಿಕ ಪಕ್ಷಕ್ಕೆ ಬಲ ನೀಡಬೇಕೆಂದರು . ನೂರಕ್ಕೂ ಅಧಿಕ ಯುವಕರು ಈ ಸಂಧರ್ಭದಲ್ಲಿ ಪಕ್ಷಕ್ಕೆ ಸೇರ್ಪಡೆ ಆದರು.
ಈ ಸಂಧರ್ಭದಲ್ಲಿ ಪಕ್ಷದ ಮಂಜುನಾಥ್ , ಪ್ರಭಾಕರ್ , ಕುಶಾಲ್ , ಪ್ರಸಾದ್ , ಯೋಗೀಶ್ , ಮಂಜಪ್ಪ , ವಿಠ್ಠಲ, ರಮೇಶ್ , ನಾಗರಾಜ್, ಮಂಜುನಾಥ್ ಸೇರಿದಂತೆ ಹಲವರಿದ್ದರು .