26/12/21 ಶಿವಮೊಗ್ಗ ನಗರದ ಅಶೋಕ ನಗರ ಜನತಾ ಕಾಲೋನಿಯ ಶ್ರೀ ರೇಣುಕಾ ದೇವಿ ನಿಲಯ ಅಂಗಳದಲ್ಲಿ ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ಗಾಮನಗಟ್ಟಿ ಸ್ವ ಸಹಾಯ ಸಂಘದ ಸದಸ್ಯರ ಮಕ್ಕಳಿಗೆ ಸ್ಕೂಲ್ ಬ್ಯಾಗ್ ಹಾಗೂ ನೋಟ್ ಬುಕ್ ವಿತರಣೆ ಮಾಡಲಾಯಿತು.
ಈ ಸಂದರ್ಭದಲ್ಲಿ ಮಾತನಾಡಿದ ಸಂಘದ ಅಧ್ಯಕ್ಷರಾದ ಶ್ರೀ ಚನ್ನವೀರಪ್ಪ ಗಾಮನಗಟ್ಟಿ ರವರು, ಕಳೆದ ಬಾರಿ ಸ್ಕೂಲ್ ಬ್ಯಾಗ್, ಊಟದ ಕ್ಯಾರಿ ಬ್ಯಾಗ್ ನೀಡುವಾಗ ಕೊರೋನಾ ಮಹಾ ಮಾರಿ ಬಂದೊದಗಿತ್ತು. ಈಗ ಓಮಿಕ್ರಾನ್ ಸೋಂಕು ಹೆಚ್ಚಳದ ಆತಂಕ ಸುರುವಾಗಿದೆ, ಆದರೆ ಯಾವುದಕ್ಕೂ ಭಯಬೇಡ ಎಲ್ಲದಕ್ಕೂ ಲಸಿಕೆ ಲಭ್ಯವಿದೆ.
ಮಕ್ಕಳು ಯಾವುದಕ್ಕೂ ಹೆದರದೆ ಮಾಸ್ಕ್ ನೊಂದಿಗೆ ಶಾಲೆಗೆ ತೆರಳಿ ಎಲ್ಲರೊಂದಿಗೆ ಅಂತರ ಕಾಪಾಡಿಕೊಳ್ಳಿ ಮೊಬೈಲ್ ನಲ್ಲಿ ಮಾತ್ರ ಗುಂಡಾದ ಅಕ್ಷರ ಸಿಮೀತವಾಗದೆ, ಬರವಣೆಗೆಯಲ್ಲೂ ಗುಂಡಾದ ಅಕ್ಷರ ಮೂಡಲಿ ಎಂದು ಮಕ್ಕಳಿಗೆ ಹೇಳಿದರು.
ಈ ಸಂದರ್ಭದಲ್ಲಿ ಸಂಘದ ಸದಸ್ಯರು, ಹಾಗೂ ಮಕ್ಕಳು, ಇತರರೂ ಉಪಸ್ಥಿತರಿದ್ದರು.