ಶಿವಮೊಗ್ಗ: ಸ್ಮಾರ್ಟ್ ಸಿಟಿ ಶಿವಮೊಗ್ಗ ಕೆನಲ್ ಕ್ಲಬ್ ವತಿಯಿಂದ ಡಿ.19ರಂದು ಎನ್ ಇ ಎಸ್ ಮೈದಾನದಲ್ಲಿ ಡಾಗ್ ಶೋ(ಶ್ವಾನ ಪ್ರದರ್ಶನ) ಹಮ್ಮಿಕೊಳ್ಳಲಾಗಿದೆ ಎಂದು ಕ್ಲಬ್ನ ಅಧ್ಯಕ್ಷ ಪ್ರೀತಮ್ ಹೇಳಿದರು.
ಅವರು ಇಂದು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಇದು ರಾಜ್ಯಮಟ್ಟದ ಪ್ರದರ್ಶನವಾಗಿದ್ದು, ಸುಮಾರು 300 ಕ್ಕೂ ಹೆಚ್ಚು ಶ್ವಾನಗಳು ಭಾಗವಹಿಸುವ ನಿರೀಕ್ಷೆ ಇದೆ. ಒಟ್ಟು 1 ಲಕ್ಷ ಮೌಲ್ಯದ ಬಹುಮಾನವಿದ್ದು, ಮೊದಲ ಬಹುಮಾನ 25,000, 2ನೇ ಬಹುಮಾನ 20,000, 3ನೇ ಬಹುಮಾನ 15,000 ಇದ್ದು, ಇದರ ಜೊತೆಗೆ 6 ಬಗೆಯ ಬಹುಮಾನಗಳು ಇರುತ್ತವೆ.
ಉತ್ತಮ ಶ್ವಾನಕ್ಕೆ 5ಸಾವಿರದಿಂದ ಹಿಡಿದು 1ಸಾವಿರದವರೆಗೆ ಬಹುಮಾನವಿರುತ್ತದೆ. ಜೊತೆಗೆ ಶ್ವಾನದ ಫ್ಯಾಷನ್ ಶೋ ರ್ಯಾಂಪ್ ವಾಕ್ ಇದ್ದು, ಮಾಲೀಕರು ಕೂಡ ಭಾಗವಹಿಸಬಹುದಾಗಿದೆ ಎಂದರು.ಇದಕ್ಕಾಗಿ 300 ರೂ.ಗಳ ಎಂಟ್ರಿ ಶುಲ್ಕ ನಿಗಧಿಪಡಿಸಲಾಗಿದೆ. ಸ್ಥಳದಲ್ಲಿಯೇ ಎಂಟ್ರಿ ಮಾಡಿಸಿದರೆ 500 ರೂ. ವಿಧಿಸಲಾಗುವುದು. ಹೆಚ್ಚಿನ ವಿವರಗಳಿಗೆ 7676441122, 9964289695ಕ್ಕೆ ಸಂಪರ್ಕಿಸಬಹುದು ಎಂದರು.ಪತ್ರಿಕಾಗೋಷ್ಠಿಯಲ್ಲಿ ಪ್ರಮುಖರಾದ ಸಂಜು, ಮನೋಹರ್ ಇದ್ದರು.