ಸೊರಬ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುನಲ್ಲಿ ಭಾರತ ಸ್ಕೌಟ್ಸ್ ಮತ್ತು ಗೈಡ್ಸ್, ಕರ್ನಾಟಕ ,ಜಿಲ್ಲಾ ಸಂಸ್ಥೆ, ಶಿವಮೊಗ್ಗ ಇವರ ಸಂಯುಕ್ತ ಆಶ್ರಯದಲ್ಲಿ ವಿಶ್ವ ಸ್ಕೌಟ್ ಸ್ಕಾರ್ಫ್ ದಿನವನ್ನು ಆಚರಿಸಲಾಯಿತು.ಕಾರ್ಯಕ್ರಮದ ಧ್ವಜಾರೋಹಣವನ್ನು ರೋವರ್ ಶಶಾಂಕ್ ನೆರವೇರಿಸಿದರು. ಸ್ವಾಗತವನ್ನು ರೇಂಜರ್ ಸಹನಾ ನಡೆಸಿಕೊಟ್ಟರು.
ರೋವರ್ ಶಶಾಂಕ್ ಸ್ಕೌಟ್ ಪ್ರತಿಜ್ಞೆ ಮತ್ತು ನಿಯಮಗಳ ವಾಚನವನ್ನು ಬೋಧಿಸಿದರು.ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ ಶ್ರೀ ಪಾಣಿ ರಾಜಪ್ಪ, ಅಧ್ಯಕ್ಷರು, ಭಾರತ ಸ್ಕೌಟ್ಸ್ ಮತ್ತು ಗೈಡ್ಸ್ ,ಸ್ಥಳೀಯ ಸಂಸ್ಥೆ ,ಸೊರಬ ಹಾಗೂ ಶ್ರೀ ಚಂದ್ರಶೇಖರಯ್ಯ .ಕೆ .ವಿ. ಸಹಾಯಕ ಜಿಲ್ಲಾ ಆಯುಕ್ತರು ಜಿಲ್ಲಾ ಸಂಸ್ಥೆ, ಶಿವಮೊಗ್ಗ ಇವರುಗಳು ವಿಶ್ವ ಸ್ಕಾರ್ಪ್ ದಿನಾಚರಣೆ ಕುರಿತು ಮಾಹಿತಿ ನೀಡಿದರು.
ಕಾಲೇಜಿನ ಪ್ರಾಚಾರ್ಯರಾದ ಡಾ. ವಿಶ್ವನಾಥ್ ರವರು ಅಧ್ಯಕ್ಷೀಯ ನುಡಿಗಳನ್ನು ಮಾತನಾಡಿದರು . ರೋವರ್ ದೇವರಾಜ್ ವಂದಿಸಿದರು. ರೋವರ್ ನವೀನ್ ಕಾರ್ಯಕ್ರಮದ ನಿರೂಪಣೆ ನಡೆಸಿದರು.