ಶಿವಮೊಗ್ಗ: ಗುಜರಾತ್ ರಾಜ್ಯದ ವಡೋದರ ದಲ್ಲಿರುವ, ವಡೋದರ ಹೋಂ ಸ್ಕೂಲ್ ಸಂಸ್ಕೃತ ವಿದ್ಯಾರ್ಥಿಗಳು ಮತ್ತು ಅವರ ಪೋಷಕರು ಇಂದು ಸಂಸ್ಕೃತ ಭವನಕ್ಕೆ ಆಗಮಿಸಿ, ಸಂಸ್ಕೃತ ಕಲಿಕೆಯ ಮಹತ್ವ ಕುರಿತು ಚರ್ಚೆ ನಡೆಸಿದರು.
ಈ ಸಂದರ್ಭದಲ್ಲಿ ಪ್ರಾಥಮಿಕ ಶಾಲೆಯಲ್ಲಿ ಸಂಸ್ಕೃತ ಯೋಜನೆಯ ರಾಜ್ಯಾಧ್ಯಕ್ಷ ಎಸ್.ಕೆ.ಶೇಷಾಚಲ, ವಾಸವಿ ಅಕಾಡೆಮಿ ಅಧ್ಯಕ್ಷ ಶಾಮಸುಂದರ್, ಸಂಸ್ಕೃತ ಶಿಕ್ಷಕ ಅ.ನಾ.ಶ್ರೀವತ್ಸ, ವಾಸವಿ ಅಕಾಡೆಮಿ ಟ್ರಸ್ಟ್ ಸದಸ್ಯ ಎಸ್.ಎಸ್.ವಾಗೇಶ್ ಉಪಸ್ಥಿತರಿದ್ದರು. ವಡೋದರ ಶಾಲಾ ಪರವಾಗಿ ಮೇಘನ, ದಿವ್ಯಾಂಗ ಕಪಾಡಿಯ ಇನ್ನು ಮುಂತಾದವರು ಚರ್ಚೆಯಲ್ಲಿ ಪಾಲ್ಗೊಂಡಿದ್ದರು.